Policia e Kosovës ka arerstaur dy persona dje në Prishtinë.

Sipas policisë, njëri dyshohet se derisa ishte në testimin për patentë shofer tek i njëjti janë gjetur një kamerë trupi, një kufje e vendosur në vesh dhe një pajisje shtesë përmes të cilës i dyshuari ka komunikuar me pronarin e një auto-shkolle në mënyrë që ta kalonte provimin teorik për patentë shofer, shkruan Arbresh.info.

Lidhur me rastin është arrestuar edhe pronari i auto-shkollës.

Policia bën të ditur se pas hetimeve të zhvilluara është identifikuar edhe një i dyshuar tjetër që për momentin ndodhet në arrati i cili dyshohet se në këmbim të parave i ka lëshuar të dyshuarit të parë vërtetimin për aftësim të kandidatit pa qenë prezent fare.

Me vendim të prokurorit dy të arrestuarit pas intervistimit janë dërguar në mbajtje.

Rasti në hetime.

“DHËNIE-PRANIM I RYSHFETIT /LEGALIZIM I PËRMBAJTJES SË RREME Prishtinë  14.02.2024 – 13:30. Është arrestuar  dyshuari mashkull kosovar për shkak se derisa ishte në testimin për patentë shofer tek i njëjti janë gjetur një kamerë trupi, një kufje e vendosur në vesh dhe një pajisje shtesë përmes të cilës i dyshuari ka komunikuar me pronarin e një auto-shkolle në mënyrë që ta kalonte provimin teorik për patentë shofer. Lidhur me rastin është arrestuar edhe pronari i auto-shkollës që është përfshirë në rast. Pas hetimeve të zhvilluara është identifikuar edhe një i dyshuar tjetër që për momentin ndodhet në arrati i cili dyshohet se në këmbim të parave i ka lëshuar të dyshuarit të parë vërtetimin për aftësim të kandidatit pa qenë prezent fare. Me vendim të prokurorit dy të arrestuarit pas intervistimit janë dërguar në mbajtje. Rasti në hetime.”, thuhet në raportin 24 orësh të policisë./Arbresh.info/